Novo Académico Correspondente, HÉCTOR MARTÍNEZ

Héctor Miguel Martínez Sanz ingresou na Academia o pasado 1 de xuño

No Auditorio Municipal “Manuel Costa Casares” de Agolada (Pontevedra) tivo lugar a solemne Sesión pública de toma de posesión do novo académico correspondente, na tarde do xoves 1 de xuño de 2017.

Como preámbulo á sesión o Sr. Alcalde do Concello de Agolada, D. Ramiro Varela Peón e o Secretario Xeral de Política Lingüística da Xunta de Galicia, D. Valentín García Gómez, deron unhas sentidas palabras de benvida.



A continuación abriu a sesión o novo Presidente da Academia, D. Antonio Crespo Iglesias, no seu primeiro acto oficial da corporación.


Héctor Martínez pronunciou o seu discurso de ingreso titulado: “As biotecnoloxías reproductivas como ferramenta eficiente na industria leiteira", no que fixo na súa primeira parte unha análise detallada da situación do sector leiteiro en Galicia e da evolución socioeconómica do rural galego.
Na segunda parte da súa exposición abordou con moita claridade as xeracións das tecnoloxías reprodutivas no gando vacún; inseminación artificial, transferencia embrionaria, fecundación in vitro, exemplos de como a profesión veterinaria estivo e está á altura das circunstancias aportando en cada momento as últimas biotecnoloxías en beneficio dos nosos gandeiros.


Aclarou que técnicas como a clonación, a produción de embrións a partir de células nai son xa unha realidade pero ainda é preciso continuar profundizando na súa investigación e na súa sistematización para que sexan aplicables na práctica. Concluiu que os avances da biotecnoloxía invítannos a soñar con novas posibilidades como a recuperación de especies xa extintas que ademáis dos problemas tecnolóxicos que supón, abre un importante debate social sobre aspectos legais, bioéticos e prácticos que haberá que resolver.

No transcurso da sesión, tomou a palabra o Académico de Número e ex-Presidente da Academia D. José Luis Factor Rodríguez para dar o discurso de contestación ao académico entrante, de quen tamén fixo un prolixo relato dos seus méritos académicos e tamén profesionais, no eido da buiatría na comarca do Deza, cunha traxectoria desde 1994, e tamén do seu perfil humano.

Rematou a sesión coa clausura do Presidente da Academia, D. Antonio Crespo Iglesias, cunhas emotivas palabras de agradecemento a José Luis Factor polo seu labor ao fronte da Academia e o seu labor profesional en Agolada como veterinaro titular. Para finalizar, deulle a benvida ao novo académico correspondente, louvou o seu perfil profesional e persoal e de quen esperou, que cos seus coñecementos no eido da xenética, a reproducción e a zootecnia, traballe arreo en prol da Academia.

 
Como colofón ao acto, realizouse unha degustación de produtos tradicionais das feiras gandeiras nos monumentais Pendellos de Agolada.

ELECCIÓNS Á XUNTA DE GOBERNO


CONVOCATORIA DE ELECCIÓNS PARA O CARGO DE PRESIDENTE/A DA XUNTA DE GOBERNO DA ACADEMIA DE CIENCIAS VETERINARIAS DE GALICIA

Acceso á convocatoria e ao censo: ConvocatoriaCenso definitivo
Proclamación de candidatos: provisional, definitiva 
Xunta Plenaria Extraordinaria 19-4-2017: Convocatoria 
Voto por correo: Instrucións
Papeleta votación: Voto
Proclamación: provisional, definitiva

ACTIVIDADES DOS ACADÉMICOS


O pasado 10 de marzo de 2017, no Centro de Saúde de Burela (Lugo) foi impartida pola Académica Dna. Patrocinio Morrondo Pelayo unha conferencia co título "Importancia do vector transmisor da enfermidade de Lyme e a súa importancia epidemiolóxica", dirixida ao persoal sanitario da área de saúde é dicir, médicos, veterinarios, farmacéuticos e enfermeiros. Nela resaltouse a importancia que teñen as garrapatas, posto que logo dos dípteros, son o grupo máis importante como vector biolóxico, xa que poden ter unha incidencia moi negativa sobre a saúde dos animais e das persoas. As garrapatas transmiten un amplo grupo de virus, bacterias, protozoos, etc., nos que estes patógenos multiplícanse ou evolucionan antes de vehiculalos a un novo hospedador.

Froito da colaboración de veterinarios e médicos dos Hospitais Universitarios de Lugo e de Santiago, comprobouse que a borreliosis de Lyme é unha enfermidade emerxente en Galicia e en particular na provincia de Lugo. Esta colaboración plasmouse na codirección do académico D. Gonzalo Fernández e do catedrático de Medicina da USC, D. Manuel Castro, da Tese de Doutoramento de Dna. Esther Vázquez López, quen impartíu a segunda parte da conferencia.

COMENZO DO CURSO ACADÉMICO 2017



A sesión  de inauguración do curso académico 2017 celebrouse o 12 de xaneiro de 2017.
Ao acto inaugural, celebrado no salón de actos da EGAP en Santiago de Compostela, asistiron entre outras autoridades o Conselleiro de Sanidade da Xunta de Galicia, D. Jesús Vázquez Almuiña, a Directora da Escola Galega de Administración Pública  Dna. Sonia Rodríguez-Campos González e o Director Xeral de Saúde Pública D. Andrés Paz-Ares Rodríguez.

Abriu a solemne sesión o Presidente da Academia de Ciencias Veterinarias de Galicia, D. José Luis Factor, cunhas palabras de benvida e presentación.

A continuación deuse lectura da memoria de actividades do curso académico 2015, pola Sra. Secretaria da Academia, Dña. María Patrocinio Morrondo.

 
CONFERENCIA INAUGURAL
A conferencia maxistral de inauguración do curso titulada “Las academias de ciencias veterinarias y su papel en la generación del conocimiento y el desarrollo” correu a cargo de  D.  Arturo Anadón Navarro, Presidente da Real Academia de Ciencias Veterinarias de España.


ENTREGA DE GALARDÓNS
Entrega do Diploma ao mellor expediente académico do Grao de Veterinaria en Galicia, do curso 2015/2016

O Premio ao Mellor Expediente Académico da Licenciatura de Veterinaria en Galicia da Universidade de Santiago de Compostela en 2015-16 correspondeu a Dna.  Andrea Boente Juncal, que recibiu o Diploma acreditativo de mans do
Conselleiro de Sanidade da Xunta de Galicia, D. Jesús Vázquez Almuiña, e a continuación deu unhas emotivas palabras de agradecemento e de compromiso coa profesión veterinaria.

INTERVENCIÓN DO CONSELLEIRO DE SANIDADE XG
O conselleiro de Sanidade, Jesús Vázquez Almuiña, puxo en valor “a importancia, cada día maior, do papel imprescindible do veterinario na protección da saúd e das persoas” . Neste senso, destacou o labor de control dos veterinarios “non só das zoonosis, do benestar animal e do resto de perigos presentes na cadea alimentaria como biotoxinas, contaminantes, residuos etc, senón tamén no control que exercen sobre a produción, a elaboración, distribución e comercialización dos alimentos, así como sobre a información alimentaria ofrecida aos consumidores”.
O conselleiro de Sanidade destacou especialmente o alto grao de profesionalidade e implicación dos servizos veterinarios de Saúde Pública “no control da cadea alimentaria, coordinados pola Dirección Xeral de Saúde Pública da Consellería de Sanidade, con valiosos resultados para o conxunto de profesionais do sector, expresión do seu alto nivel de calidade e excelencia”.
Para Almuiña, a Consellería de Sanidade e esta Academia comparten o obxectivo final común da saúde da cidadanía, e insistiu no importante labor de intercambio de coñecementos, así como a heteroxeneidade e complementariedade dos membros que compoñen estas academias científicas “pois así poderán achegar a súa perspectiva e experiencia, enriquecendo as conclusións e os traballos desenvolvidos no seu seno”.
O conselleiro destacou o labor desta Academia que “dende a súa creación mantense como importante foro e lugar de encontro, discusión, reflexión e debate” na consecución dun coñecemento que redunde nun desenvolvemento económico sostible social e medioambientalmente; e lembrou, tamén, que a Sanidade Pública é un dos servizos plúblicos mellor valorados polos cidadáns polo que “debemos sentirnos todos corresponsables para que siga sendo así no futuro”.

REMATE
A clausura da sesión inaugural correu a cargo do presidente da Academia D. José Luis Factor Rodríguez, que antes de dar por inaugurado o curso, agradeceu a todos os académicos polo labor desenvolvido en pro da institución. Por último, adiantou que para o curso 2017 está comprometido co grupo Coren o establecemento dun premio ao mellor traballo científico e están programadas numerosas actividades académicas na Academia de Ciencias Veterinarias de Galicia.